Zëvendës drejtori Nura gjatë vizitës në Zvicër, takon dhe ambasadorin Demiri

Në ambientet të Ambasadës në Bern të RMV-së, zhvillova një takim shumë të rëndësishëm pune me Ambasadorin Demiri, në kuadër të vizitës zyrtare në Konfederatën Zvicerane.

Në këtë takim, bashkëbiseduam mbi projektet që janë të dedikuara për të mbështetur dhe përmirësuar situatën e mërgimtarëve tanë. Ambasadori Demiri, më informoi për veprimtaritë dhe përpjekjet që janë duke u ndërmarrë nga Ambasada për të përmirësuar shërbimet për komunitetin e mërgatës në Zvicër.

Në anën tjetër, kisha kënaqësinë e veçantë të shpreh përkushtimin e Agjencisë së Mërgatës për të qenë partner i ngushtë me Ambasadën në Bern, organizatat e mërgimtarëve, si dhe me bashkëqytetarët tanë të shpërndarë në Zvicër. Ne jemi të vendosur të kemi një rol aktiv në mbështetjen e tyre në procesin e lidhjes me vendin e tyre të lindjes dhe për të ndihmuar në tejkalimin e pengesave byrokratike që ndeshin ndonjëherë në udhën e tyre drejt integrimit dhe afirmimit me kulturën dhe vendlindjen e tyre.

Ky takim pune reflekton një angazhim të përbashkët për të përmirësuar jetën e mërgatës dhe për të intensifikuar bashkëpunimin mes dy vendeve në fjalë.

E MËPARSHME

Si një yll i vërtetë, Vjosa Shehu shkëlqeu në Festivalin e Këngës në RTK, i rikthehet fuqishëm muzikës

E ARDHSHME

Nuk dukeni mirë me pamjen tuaj dhe kërkoni shpëtim? Medinglobe ju ofron zgjidhje, lexo dhe mëso më shumë