Këshilli Koordinues i Diasporës thotë se zgjedhja e Talat Xhaferit është shumë e rëndësishme për shqiptarët

Këshilli Koordinues i Diasporës ka përshëndetur zgjedhjen e Talat Xhaferit si kryeministri i parë shqiptar në Maqedoninë e Veriut.

Ky këshill thotë se zgjedhja e Xhaferit si kryeministër rikonfirmon faktin e padiskutuar se shqiptarët janë një faktor i rëndësishëm i paqes dhe stabilitetit, raporton Zeri.info.

“Zgjedhja historike e zotit Talat Xhaferi në krye të qeverisë teknike të Maqedonisë së Veriut rikonfirmon faktin e padiskutuar se shqiptarët janë një faktor i rëndësishëm i paqes dhe stabilitetit, se dinë e munden të bashkëpunojnë në mënyrë harmonike ndëretnike si dhe evidenton kontributin e jashtëzakonshëm në integrimin e Maqedonisë së Veriut në familjen evropiane”, thuhet ndër tjera.

Këshilli Koordinues i Diasporës i urojnë shumë suksese kryeministrit Talat Xhaferit. /Zëri

E MËPARSHME

“Rrena”, projekti i ri për këtë vit nga Lule

E ARDHSHME

Festim Halili për vizitë në Uashington për Lutjet e mëngjesit takon ftuesin e çmimit Nobel, David Beasley